Celanova, 26 de maio de 2012.- O Claustro do Mosteiro de San Rosendo en Celanova acolleu esta tarde a constitución e primeira xuntanza de traballo da Oficina Parlamentaria do PP de Ourense, á que asistiron o presidente do PPdeG, Alberto Núñez Feijóo; o presidente provincial, Manuel Baltar; e os deputados, senadores, parlamentarios autonómicos e deputados provinciais, todos eles membros activos deste novo órgano dos populares.

Manuel Baltar explicou onte que os populares ourensáns "son pioneiros no feito de incorporar a esta Oficina Parlamentaria a presencia activa dos deputados provinciais", algo que non se está a dar en ningunha outra cidade española, "xa que pola estructura da nosa provincia, é moi importante manter un contacto constante e fluido con tódalas comarcas e, polo tanto, é clave a labor desenrolada por parte dos deputados provinciais".

A nova Oficina Parlamentaria do Partido Popular de Ourense terá como coordinadora á deputada no Congreso e Coordinadora de Politica Nacional do PPOU, Ana Belén Vázquez, quen sinalou que servirá para atender as demandas e peticións dos afiliados e non afiliados do PPOU, así como para canalizalas cara o Goberno Central, a Xunta de Galicia ou aos correspondentes órganos (Congreso, Senado, Parlamento de Galicia). Ademáis, manterase unha  garda continua na sede do PPOU para atender peticións da Oficina Parlamentaria e se habilitará un espacio na web do partido (www.ppou.es) para que os interesados poidan transmitir as súas demandas ao respecto. A atención será personalizada e constante, co fin de que non quede ningún afiliado ou non afiliado sen resposta para as súas demandas, abrindo así unha importante canle de comunicación e contacto permanente con tódolos ourensáns.