Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Eleccións Xerais 2019: Manuel Baltar reivindica o voto unido “ao redor do único partido que vive e defende o sentimento galeguista”

Imprimir ppou - 14-Abril-2019 - 13:28:31 


• Nos mítines celebrados hoxe en Trives e Maceda, o presidente provincial afirmou que de nada vale “formular grandes propostas nos ámbitos da economía, do benestar, das infraestruturas e mesmo da defensa do rural se nos esquecemos da nosa identidade”.

• Miguel Ángel Viso, cabeza de lista dos populares ourensáns ao Senado, fixo unha referencia especial á súa nova etapa como candidato á Cámara Alta, asegurando que “a experiencia no Congreso axudarame a traballar nunha cámara de representación territorial totamente lexítima na que se combina a representación das comunidades e provincias”.

15, abril, 2019.

O presidente provincial do Partido Popular, Manuel Baltar, apelou hoxe á característica que máis diferenza á formación ourensá do resto de forzas políticas para pedir o voto unido “ao redor do único partido que vive e defende o sentimento galeguista”. Baltar lanzou esta mensaxe nos mitines celebrados na xornada de hoxe nas localidades de Pobra de Trives e Maceda, nos que tamén interviron Francisco Conde, membro da executiva do PPdeG, e o cabeza de lista da candidatura ao Senado, Miguel Ángel Viso, quen afirmou que “os senadores ourensáns demostrarán unha vez máis que serán os defensores da provincia e da igualdade de oportunidades entre territorios”.

  
  
Os nacionalismos radicais, os populismos totalitarios e o independentismo “non poden ter cabida nas institucións porque rachan coa cohesión do país, pero tamén acaban co sentimento en positivo de pertenza ao territorio e coa igualdade de dereitos e oportunidades dos cidadáns”.

Ás formacións que concorrren a estas eleccións esíxelles que falen de propostas para a provincia, “pero ningunha fala de galeguismo como fai o PP de Ourense -subliñou Manuel Baltar, como xa fixemos hai días na casa museo de Otero Pedrayo para significar que somos a forza política que máis se asemella ao seu territorio e ás súas xentes”. De nada vale, engadiu, “formular grandes propostas nos ámbitos da economía, do benestar, das infraestruturas e mesmo da defensa do rural se nos esquecemos da nosa identidade, da nosa cultura e das achegas dos homes e mulleres que, no pasado, ensináronnos a facer política desde a base do sentimento de pertenza a unha terra e de crenza nas súas potencialidades”.

O Partido Popular de Ourense, dixo Baltar, “é unha formación autoesixente que di publicamente os seus obxectivos nestas eleccións, que son conseguir tres representantes no Congreso e no Senado que terán nomes e apelidos galeguistas”.

Pola súa banda, Miguel Ángel Viso, cabeza de lista dos populares ourensáns ao Senado, fixo unha referencia especial á súa nova etapa como candidato á Cámara Alta, asegurando que “a experiencia obtida logo do meu paso polo Congreso axudarame sen dúbida a traballar nunha cámara de representación territorial totamente lexítima na que se combina a representación das comunidades autónomas e das provincias”.

Afirmou que o PP de Ourense “presenta as mellores candidaturas a ambas as dúas cámaras para defender a singularidade da nosa provincia desde a política nacional”. Viso pediu  o voto dos veciños de Trives e Maceda “para un partido que se presenta para gañar, non para empatar, cun programa ambicioso e para demostrar que somos o partido que prefiren os cidadáns para liderar gobernos de progreso”.

O candidato puxo en valor a experiencia dos homes e mulleres que integran as listas do Partido Popular de Ourense, “que se poñen ao servizo dos ourensáns para defender con ilusión e con todas as gañas de traballar un proxecto de provincia que sumará á proposta do Estado que presentamos os populares en toda España”.





Suscíbete:
Redes Sociales: